વિદ્યાવિહારને.. સપ્ટેમ્બર 12, 2008
Posted by Mehul Shah in સી.એન.સમાચાર.Tags: ambavadi, bhailal shah, C N vidhyalaya, c.n. vidyalaya, cn prarthnamandir, sheth cn vidhyalaya, sheth cn vidyalay, snehrashmi, vidhyavihar, vidyalay, vidyavihar
7 comments
શાળાના વાર્ષિક મેગેઝીન ‘સેતુ’ માંથી વીણેલા મોતી નવેમ્બર 5, 2012
Posted by Mehul Shah in Uncategorized.3 comments
એક જ દે ચિનગારી, મહાનલ ! ઓક્ટોબર 23, 2012
Posted by Mehul Shah in વિદ્યાવિહાર ગીતો, હરિહર ભટ્ટ.Tags: ગીત, ગુજરાતી, ચિનગારી, વિશ્વાનલ, હરિહર ભટ્ટ, geet, gujarati, prarthnamandir, vidhyavihar
2 comments
એક જ દે ચિનગારી, મહાનલ ! એક જ દે ચિનગારી.
ચકમક લોઢું ઘસતાં ઘસતાં ખરચી જિંદગી સારી
જામગરીમાં તણખો ન પડ્યો,
ન ફળી મહેનત મારી
મહાનલ, એક જ દે ચિનગારી…
ચાંદો સળગ્યો, સૂરજ સળગ્યો, સળગી આભઅટારી
ના સળગી એક સગડી મારી,
વાત વિપતની ભારી મહાનલ…
એક જ દે ચિનગારી…
ઠંડીમાં મુજ કાયા થથરે, ખૂટી ધીરજ મારી
વિશ્વાનલ ! હું અધિક ન માગું,
માગું એક ચિનગારી મહાનલ…
એક જ દે ચિનગારી…
– હરિહર ભટ્ટ
સ્વાધીનોનું ગીત ઓક્ટોબર 22, 2012
Posted by Mehul Shah in ગીત, વિદ્યાવિહાર ગીતો, સ્નેહરશ્મિ.Tags: સ્નેહરશ્મિ, સ્વાધીન, geet, gujarati, snehrashmi, swadhin, vidhyavihar
3 comments
સ્વાધીન અજય છે ભોમ અમારી
મુક્ત અજય અમ સરિતાતીર
ગિરિગહવર ને ખીણ-કોતરો
મુક્ત સદા અમ સાગર-નીર!
સ્વાધીન! અમે સ્વાધીન! સદા સ્વાધીન!
અમે સૌ ઉન્નત-શિર
મુક્ત અભય છે ભોમ અમા
મુક્ત અભય અમ વહે સમીર.
વિશાળ ગૌચર ધણ અમ વિહ
મત્ત મુક્ત અમ ગોપી-ગો
ભર્યાં ભર્યાં ખેતર અમ વિલસે
મુક્ત નભે લહેરતા રો!
સ્વાધીન! અમે સ્વાધીન! સદા સ્વાધીન!
સ્વાધીન ખડાં અમ ઘર જહીં રૂડાં
જ્યાં સ્વાધીન સુખી સંસાર
મુક્ત જહીં અમ મા-વહુ-બેટી
ખેલે મુક્ત જહીં અમ બાળ!
સ્વાધીન! અમે સ્વાધીન! સદા સ્વાધીન!
પડે નજર એ પર જે ઝેરી
ખાતી તે અહીં મોત-પછાડ
ઊભા સંત્રી અમે સદા જ્યાં
હિમગિરી સરખા માનવ-પહાડ!
સ્વાધીન! અમે સ્વાધીન! સદા સ્વાધીન
વંદન હો આ મુક્ત હવાને
વંદન હો તુજને મા-ભોમ!
અમો જીવતાં મુક્ત તું નિત હો!
મુક્ત નભે જ્યાં સૂરજ-સોમ!
– ઝીણાભાઇ દેસાઇ, ‘સ્નેહરશ્મિ‘ (પનઘટ પુસ્તક)
આ કાવ્ય વડોદરા થી ઇન્દ્રવદન મીસ્ત્રી એ ટાઇપ કરીને મોકલ્યુ તે બદલ તેમનો આભાર
if you have recording of this song, please share with us.
જુઓ, મુદભર વસંત આવે ! ઓક્ટોબર 31, 2009
Posted by Mehul Shah in ગીત, ભાઈલાલ શાહ, સ્નેહરશ્મિ.Tags: અબીલ, ઉપવન, ગુલાલ, દક્ષિણ, નિકુંજ, પનઘટ, પરાગ, ફાગ, માણેક, મૃદુ, મોતી, રંગ, રમઝટ, વસંત, વાટ, વીણા, સુહાગ, સ્નેહરશ્મિ
2 comments
કવિઃ સ્નેહરશ્મિ
ગાયકઃ ભાઈલાલ શાહ
બાજે વન ઉપવનમાં જલથલમાં
વીણા કોની જગમાં?
દક્ષિણ દિશના આતુર ગાને
કહ્યું શું છાનું કોકિલ કાને ! – (૨)
મંજરીઓ મૃદુ આંખો ખોલી (૨)
જુએ કોની વાટ મગનમાં!
વીણા બાજે જગમાં ! -બાજે૦
કુંજ નિકુંજને કાને કોણે
મૂક્યાં માણેક મોતી કોડે? (૨)
અબીલ ગુલાલને હાસે કોણે (૨)
મલક્યાં મુખડાં કુસુમતણાં?
વીણા બાજે જગમાં ! – બાજે૦
રંગ રાગ પરાગની રમઝટ
જામી આજે જગને પનઘટ,
જુઓ મુદભર વસંત આવે – (૨)
સોહે ફાગ સુહાગ ગગનમાં !
વીણા બાજે જગમાં ! -બાજે૦
માનવીનાં હૈયાને નંદવામાં વાર શી? ઓક્ટોબર 25, 2009
Posted by Mehul Shah in ઉમાશંકર જોશી, ગીત, ભાઈલાલ શાહ, વિદ્યાવિહાર ગીતો.Tags: ઉમાશંકર જોશી, બોલડે, ભાઈલાલ શાહ, માનવી, સ્મિત, હૈયાને
3 comments
કવિઃ ઉમાશંકર જોશી
ગાયકઃ ભાઈલાલ શાહ
માનવીનાં હૈયાને નંદવામાં વાર શી ? (૨)
માનવીના હૈયાને…
અધ બોલ્યા બોલડે,
થોડે અબોલડે, (૨)
પોચા શા હૈયાને પીંજવામાં વાર શી? (૨) – માનવી૦
માનવીના હૈયાને….
સ્મિતની જ્યાં વીજળી,
જરી શી ફરી વળી, (૨)
એના એ હૈયાને રંજવામાં વાર શી?
એવા તે હૈયાને નંદવામાં વાર શી?- માનવી૦
માનવીના હૈયાને …
એવું રે તપી ધરતી ઓક્ટોબર 25, 2009
Posted by Mehul Shah in ગીત, પ્રહલાદ પારેખ, ભાઈલાલ શાહ, વિદ્યાવિહાર ગીતો.Tags: તપ, ધરતી, પારવતી, પ્રહલાદ પારેખ, ભાઈલાલ શાહ, મેહુલો, cn prarthnamandir, sheth cn vidhyalaya
3 comments
કવિઃ પ્રહલાદ પારેખ
ગાયકઃ ભાઈલાલ શાહ
એવું રે તપી ધરતી, એવું રે તપી,
જેવાં તપ રે તપ્યાં’તાં એક દિન પારવતી સતી
અંગ રે સુકાય, એનાં રંગ રે સુકાય,
કાયાનાં અમરત એનાં ઊડી ચાલ્યાં જાય,
તોયે ન આવ્યો હજુયે મેહુલો જતિ…. એવું રે…
વન રે વિમાસે એનાં જન રે વિમાસે,
પંખીડાં જોતાં એનાં પશુઓ આકાશે;
જટાળો એ જોગી ક્યાં યે કળાતો નથી… એવું રે…
કહોને તમે સૌ તારા ! દૂરે છો દેખનારા,
કહોને ડુંગરનાં શિખરો ! આકાશે પહોંચનારાં;
આંખોની વીજ એની ઝબૂકી કહીં ?…. એવું રે…
કહોને સાગરનાં પાણી, તમને છે સંભળાણી,
ઘેરી ગંભીર એની આવતી ક્યાં યે વાણી ?
એની રે કમાન દીઠી તણાઈ કહીં ?… એવું રે….
આવોને મેહુલિયા ! આવો, ધરતીનાં તપ છોડાવો,
રૂપે ને રંગે નવાં તપસીને એ સુહાવો;
અમરતથી હૈયું એનું દિયોને ભરી !…. એવું રે….
સી.એન. શ્લોક – 3 ઓક્ટોબર 25, 2009
Posted by Mehul Shah in ભાઈલાલ શાહ, વિદ્યાવિહાર ગીતો, શ્લોક.Tags: ઋષભ, પાર્શ્વનાથ, ભાઈલાલ શાહ, મહાવીર, મુનિવ્રત, શ્લોક, સી.એન., સી.એન. શ્લોક, સુપાર્શ્વ
2 comments
ગાયકઃ ભાઈલાલ શાહ
ઋષભ, અજીત, સંભવ, અભિનંદન, સુમતિ, પદ્મપ્રભુ, સુપાર્શ્વ, ચંદ્રપ્રભ, પુષ્પદંટ, શીતલ, શ્રેયાંશ, વાસુપૂજ્ય, વિમલ, અનંત, ધર્મ, શાંતિ, કુંથુ, અરહ, મલ્લિ, મુનિવ્રત, નમિ, નેમિ, પાર્શ્વનાથ અને મહાવીર.
કોણ આજે રહે બંધ બારણે? જુલાઇ 18, 2009
Posted by Mehul Shah in ગીત, પ્રહલાદ પારેખ, બાળ ગીતો, ભાઈલાલ શાહ, વિદ્યાવિહાર ગીતો.Tags: ઉત્સવ, ખુશી, ગુજરાત, ગુજરાતી, જગત, ધરતી, ધરા, નભ, પ્રહલાદ પારેખ, ભાઈલાલ શાહ, વર્ષા ગીત, વાદળ, સરિતા, સાગર, સૂર
5 comments
કવિઃ પ્રહલાદ પારેખ
ગાયકઃ ભાઈલાલ શાહ
વર્ષા ગીત
કોણ આજે રહે બંધ બારણે?
આવ, આવ, જો જગત-પ્રાંગણેઃ (૨)
સાગર હિલ્લોલે વનવન ડોલે,(૨)
વીજ ચડી છે વિરાટ ઝૂલે;
દુરે, સીમે, નવ નવ મોલે(૨)
ધરતીનું દિલ ખોલે. -કોણ.
વાદળ-નાદે ઝરણાં જાગે, (૨)
મત્ત બની ઘર સરિતા ત્યાગે;
જલધારાના સહુ ઝંકારે (૨)
સંજીવન-સૂર વાગે. – કોણ.
આભ ખુશી જો વિધ વિધ રંગે, (૨)
ધરા ખુશી નવ-ધાન-સુગંધે;
ધરતી-નભના આ ઉત્સવમાં (૨)
આવ, આવ, સહુ સંગે. – કોણ.
કોની જુએ છે તું વાટ? જુલાઇ 18, 2009
Posted by Mehul Shah in ગીત, પ્રહલાદ પારેખ, ભાઈલાલ શાહ, વિદ્યાવિહાર ગીતો, શિશુવિહાર ગીતો.Tags: અભાગી, ગાંસડી, ગીત, ગુજરાત, ગુજરાતી, દુઃખ, પ્રહલાદ પારેખ, ભવ્ય, ભાઈલાલ શાહ, લલાટ, લાકડી, વાટ, વિરાટ, bhailal shah, gujarati, prahlad parekh
add a comment
કોની જુએ છે તું વાટ
કવિઃ પ્રહલાદ પારેખ
ગાયકઃ ભાઈલાલ શાહ
કોની જુએ છે તું વાટ, અભાગી !
કોની જુએ છે તું વાટ?
કોણ રે આવી નાવ લાવી તુજ,
નાંગરશે ઉર-ઘાટ ? – કોની.
ઉઠ, ઉભો થા, ઝાલી લે લાકડી,
લઈ લે તારી કાંધે તું ગાંસડી;
આવવાનું નથી કોઈ
તેથી ના રે’વું રોઈ;
જાવાનું છે તારે,
-થાવાનું છે તારે,
નાના મટીને વિરાટ. – કોની.
આફત આવશે આભથી ઉતરી,
લેશે ધરા નિજ દુઃખમાં જોતરી,
તોય છે તારે માથે,
થઈ એક જવું સહુ સાથે,
લેખ લખ્યા છે એ,
માનવી તારે
એક જ, ભવ્ય, લલાટ. – કોની.
તમે રે સુંદરવનનાં સૂડલા રે જુલાઇ 18, 2009
Posted by Mehul Shah in અચલ મહેતા, ગરબા, ગીત.Tags: અચલ મહેતા, ઋષભ ગ્રુપ, કંઠ, કિલકાર, કોડિયાં, ગીત, ગુજરાત, ગુજરાતી, છીપલાં, જ્યોત, તૂંબડા, દીવો, પંખીડા, પ્રીત, મન, વાટ, વાડી, વેલી, સુંદરવન, સૂડલા, હેલ, gujarat, gujarati
2 comments
અચલ મહેતા, ઋષભ ગ્રુપ
તમે રે સુંદરવનનાં સૂડલા રે, અમે તો તવકંઠનો કિલકાર,
અમે રે વેલી ને તમે બાંધવા મનનાં મળ્યા તારેતાર હો,
એક રે વાડીના દોનો તૂંબડા (૨)
તમે રે મહેરામણ, અમે છીપલાં રે , તમે રે મોતી ને અમે હેલ રે,(૨)
તમે રે માટી ને અમે કોડિયાં, તમે દીવો ને અમે વાટ રે,
જ્યોત રે વિનાનાં દોનો ઝૂરતાં(૨)
તમે રે માટી ને અમે કોડિયાં રે, તમે રે દીવો ને અમે વાટ રે,
સામા રે કાંઠાના અમે પંખીડા રે, ઊડીને આવ્યારે આ પાર હો,
પ્રીત રે પડાળે અમે હીંચતા,
તમે રે સુંદરવનનાં સૂડલા રે, અમે તો તવ કંઠનો કિલકાર,
અમે રે વેલી ને તમે બાંધવા મનનાં મળ્યા તારેતાર હો,
એક રે વાડીના દોનો તૂંબડા (૨)
શેઠ સી.એન.વિદ્યાવિહાર - પ્રાર્થના મંદિર 