jump to navigation

આજ ધાનેર ક્ષેતે જુલાઇ 18, 2009

Posted by Mehul Shah in ગીત, બાળ ગીતો, રવિન્દ્રનાથ ટાગોર, વિદ્યાવિહાર ગીતો.
Tags: , , , , ,
6 comments

PrarthnaMandir1999

આજ ધાનેર ખેતે (Solo)

આજ ધાનેર ખેતે (Chorus-Children)

“Aji dhaner khete roudro chayay
lukochuri khela re bhai lukochuri khela “

આ ગીત પ્રાર્થના મંદિરમાં ગવાતું હતું ત્યારે એકે શબ્દ ખબર નહોતી પડતી, એ પછી ભોળાભાઈ પટેલની ‘શાલભંજિકા’માં આ ગીતની બે પંક્તિઓ ગુજરાતીમાં અનુવાદ કરેલી વાંચી,જેમાં ભોળાભાઈ શાંતિનિકેતનના વર્ણન વખતે ટાગોરના આ ગીતને યાદ કરીને લખે છે કે,”આજ ડાંગરના ખેતરે તડકો-છાંયડો સંતાકૂકડી રમે છે …

આજ ધાનેર ક્ષેતે રૌદ્રછાય઼ાય઼
લુકોચુરિર ખેલા..
નીલ આકાશે કે ભાસાલે
સાદા મેઘેર ભેલા..
આજ ભ્રમર ભોલે મધુ ખેતે,
ઉડ઼ે બેડ઼ાય઼ આલોય઼ મેતે,
આજ કિસેર તરે નદીર ચરે
ચખાચખિર મેલા..

ઓરે યાબો ના આજ ઘરે રે ભાઇ,
યાબો ના આજ ઘરે!
ઓરે આકાશ ભેઙે બાહિરકે આજ
નેબ રે લુઠ કરે..
યેન જોય઼ાર જલે ફેનાર રાશિ
બાતાસે આજ ફુટેછે હાસિ,
આજ બિના કાજે બાજિય઼ે બાઁશિ
કાટબે સારા બેલા..
__________________________________________________________________________________

આજ ધાન ખેતરે, તડકો-છાંયો
સંતાકૂકડી ખેલે રે ભાઇ! સંતાકૂકડી ખેલે.
નીલ આકાશે મેઘની હોડી,
જોડી કોઇ ખેલે રે ભાઇ! સંતાકૂકડી ખેલે.
… આજ ધાન ખેતરે

આજ ભ્રમર ગુંજે મધુર ખેતે,
ઉડે થઇ મતવાલા મેતે…
આજ શાને માટે, નદીના ઘાટે (2)
ચકલા ચકલી ખેલે? … નીલ આકાશે

જાવું ના આજ ઘરે રે,
ભાઇ! જાવું ના આજ ઘરે…
આજ આકાશ જાણે ભીંજવે પાણી (2)
આતમ બાહર છલકે! … નીલ આકાશે

આજ જુવાળ જળે ફીણ ફૂટે,
વાયરે વાયરે હાસ્ય છૂટે…
આજ વિના કારણે બંસી વાગે (2)
દિન વીતે એની મેળે! … નીલ આકાશે

મૂળ બંગાળી રચનાઃ કવિવર રવીન્દ્રનાથ ટાગોર
ગુજરાતી અનુવાદઃ ભોળાભાઇ પટેલ
Thank you Pranavbhai for your help in getting this.

Advertisements

આવે છે હવા,મુક્ત હવા, મસ્ત હવા.. એપ્રિલ 22, 2009

Posted by Mehul Shah in ગીત, પ્રહલાદ પારેખ, ભાઈલાલ શાહ, વિદ્યાવિહાર ગીતો.
Tags: , , , , , , , , , , , , , , , , ,
1 comment so far

wind 

આવે છે હવા

કવિઃ પ્રહલાદ પારેખ
ગાયકઃ ભાઈલાલ શાહ

આવે છે હવા,
મુક્ત હવા, મસ્ત હવા,
મનને મારા ક્યાં રે લઈ જવા? –  આવે છે.
   વાદળ કેરું ધણ હલાવી,
   હેલે સાયર નીર ચડાવી,
   વાંસવને કૈં સૂર બજાવી,
   ફૂલ હીંચાવી આવતી,
આવતી પ્રેરતી મારા પાયને નાચવા. – આવે છે.

ચાલ, કહે એ, મનવા, ચાલ,
છોડી દઈ સહુ બંધ-જાળ
     એક તારેથી તારલે બીજે
     આભમાં દેવા ફાળ !
શિખરે શિખરે સાગરની રે આ ને ઘૂમવા ! – આવે છે.

દલડાં સંભારો તમે, હ્ર્દયે વિચારો આપણાં એપ્રિલ 22, 2009

Posted by Mehul Shah in ગીત, ભાઈલાલ શાહ, વિદ્યાવિહાર ગીતો.
Tags: , , , , , , , , , , , , , , , , , , , ,
2 comments

 bharthari

 દલડાં સંભારો તમે, હ્ર્દયે વિચારો આપણાં

( Raja Bharthari and Rani Pingala – Lokkatha)
ગાયકઃ ભાઈલાલ શાહ

દલડાં સંભારો તમે, હ્ર્દયે વિચારો આપણાં,
પૂરવ જનમનાં સમાચારને(૨)

પે’લા પે’લા ભવમાં રાણી,
તમે હતાં મેના ને અમે રે પોપટ રાજા રામનાં(૨)
પારધીએ આવી અમને ફાંસલો નાખ્યો ને
ફાંસલે વીંધાણા મારા પ્રાણ રાણી પીંગળા,
ઈ રે કારણીયે હું મરણ જ પામ્યો ને,
તું કેમ ના’વી મારી રાણી પીંગળા…… દલડાં(૨)

બીજા બીજા ભવમાં રાણી,
તમે હતાં મૃગલી ને અમે હતાં મૃગ સરદાર રે (૨)
કદલી રે વનમાં ચારો ચરવાંને ગ્યાં ત્યારે
પારધીએ મારેલાં બાણ રાણી પીંગળા
ઈ રે કારણિયે હું મરણ જ પામ્યો ને
તું કેમ ના’વી મારી સાથ રાણી પીંગળા હો.. દલડાં(૨)

ત્રીજા ત્રીજા જુગમાં રાણી
તમે હતાં બ્રાહ્મણીને અમે હતાં પંડિતરા’ય રે
શિવજીને કારણે, ફૂલ વીણવાં ગ્યાં ત્યારે
ડસેલો કળૂડો નાગ રે..
ઈ રે કારણિયે હું મરણ જ પામ્યો ને..(૨)

ચોથા ચોથા ભવમાં રાણી,
તમે તો પીંગળા ને અમે રે ભરથરી રા’ય રે (૨)
ચાર ચાર જુગના રાણી ઘરોવાસ ભોગવ્યાં તો યે
તું ના ચાલી મારી સાથ રે .. રાણી પીંગળા(૨)

કાયાને કારણે મેં ભેખ જ લીધો ને (૨)
ભિક્ષા દિયોને મોરી માય રાણી પીંગળા…. હો દલડાં સંભારો (૨) 

Same song from Gujarati Movie
Bhiksha dene Maiya Pingala


from ” Bharthari” – Hindi Movie

bhiksha de-de maiya pingala
jogi khada hai dwaar maiya pingala
jog utaaro raaja bharatari
raani kare hai pukaar raaja bharatari
bhiksha de-de maiya pingala
jogi khada hai dwaar maiya pingala

kaise dekhuun jog tumhaara  - 2
gaayuun prahar kataar raaja bharatari
karm-likhi na mite kise se  - 2
karnahaar karataar maiya pingala

kesar-chandan chhod ke raaja  - 2
linhi bhabhuuti dhaar raaja bharatari
kesar kaaya raakh banegi  - 2
isamein kaun singaar maiya pingala

alakh jagaavo mahal mein raaja  - 2
duungi aanchal daar raaja bharatari
jogi to jangal ke baasi  - 2
kaisa ghar-sanasaar maiya pingala

daya na aayi o niramohi  - 2
o niramohi chhod chale majhadhaar raaja bharatari
alakh niranjan alakh niranjan alakh niranjan
alakh niranjan alakh niranjan alakh niranjan
alakh niranjan japo ri maiya  - 2
ho bhav-saagar paar maiya pingala

bhiksha de-de maiya pingala
jogi khada hai dwaar maiya pingala
jog utaaro raaja bharatari
raani kare hai pukaar raaja bharatari
bhiksha de-de maiya pingala
jogi khada hai dwaar maiya pingala

દીધી તેં આ જગાડી તૃષા એપ્રિલ 22, 2009

Posted by Mehul Shah in ગીત, પ્રહલાદ પારેખ, ભાઈલાલ શાહ, વિદ્યાવિહાર ગીતો.
Tags: , , , , , , , , ,
2 comments

summer 

દીધી તેં આ જગાડી તૃષા

ગાયકઃ ભાઈલાલ શાહ
કવિઃ પ્રહલાદ પારેખ

દીધી તેં આ જગાડી તૃષા,
 તવ પ્રચંડ દહને (૨)
ગગન હે! વૈશાખી તવ અગને..
લાગે છે આજે  ઘોર પિપાસા ભુવનને ગહને…દીધી(૨)

જાગે છે આજ એ શુષ્ક કાનને, તપ્ત આ ફૂલ પવને,
શિખરે શિખરે જાગતી એ તો ધૂળ કણે કણે
આજ ધરાની ભીતર જાગે (૨)
બીજ તણા મને… દીધી(૨)

શોષ પડ્યો એ દીનને કંઠે(૨)
રાત તૃષાતુર નહીં એ જંપે,
માનવનું મન આજ ભરાયું, પ્યાર તણા અજંપે,
આજ ચરાચર થાય છે આતુર,
માંગે છે એ મેઘને, દીધી તેં આગ..(૨)

તારા સ્વજન તને જાય મૂકી તો એપ્રિલ 22, 2009

Posted by Mehul Shah in ગીત, ભાઈલાલ શાહ, વિદ્યાવિહાર ગીતો.
Tags: , , , , , , ,
4 comments

 candle

તારા સ્વજન તને જાય મૂકી તો

ગાયકઃ ભાઈલાલ શાહ

તારા સ્વજન તને જાય મૂકી તો,
તેથી કાંઈ ચિંતા કરી ચાલશે ના,

તારી આશાલતા પડશે તૂટી, ફુલ ફલે એમ ફાલશે ના..
તેથી કાંઈ ચિંતા કરી ચાલશે ના..    તારા.

માર્ગે તિમિર ઘોર ઘેરાશે, એટલે તો તું અટકી જાશે
વારંવારે ચેતવે દીવો, ખેર જો દીવો ચેતશે ના..
તેથી કાંઈ ચિંતા કરી ચાલશે ના..    તારા.

બારણા તને બંધ મળે, એટલે તો તું પાછો વળે(૨)
વારંવારે ઠેલવા પડે, ખેર જો દ્વારો ખૂલશે ના,
તેથી કાંઈ ચિંતા કરી ચાલશે ના..    તારા.

સુણી તારા મુખની વાણી, વીંટળાશે વન-વનનાં પ્રાણી (૨)
તો’ય પોતાના ઘરમાં તારે, પાં’ણના હૈયા ગળશે ના…
તેથી કાંઈ ચિંતા કરી ચાલશે ના..    તારા.

પેલો જાય મેહુલો એપ્રિલ 22, 2009

Posted by Mehul Shah in ગીત, પ્રહલાદ પારેખ, ભાઈલાલ શાહ, વિદ્યાવિહાર ગીતો.
Tags: , , , , , , , , , ,
4 comments

rain

પેલો જાય મેહુલો

ગાયકઃ ભાઈલાલ શાહ

કવિઃ પ્રહલાદ પારેખ

પેલો જાય મેહુલો મનને મારા લઈ ગયેલો(૨)
એની વીજનટીએ કામણ કીધું

ઠમકો એવો એક દીધેલો.પેલો..(૨)
એના નીરની ધારા, સુણાવે ગીત એ પ્યારા(૨)

એના મેઘમૃદંગના તાલમાં વાયુ,
દોડતો જાણ ભાનભૂલેલો..પેલો..(૨)

એના શ્યામલ રૂપે, ભર્યું છે શુંય જાદુ તે, 
નહીં મન ક્યાંય રોકાયે, દોડતું જાયે..
મોહિત તેણ આજ કરેલો ….પેલો..(૨)

(સરવાણિ કાવ્ય સંગ્રહ માથી)

વાગી વસંતની સિતારી એપ્રિલ 10, 2009

Posted by Mehul Shah in ઉમાશંકર જોશી, ગીત, ભાઈલાલ શાહ, વિદ્યાવિહાર ગીતો.
Tags: , , ,
1 comment so far

 manjari

વાગી વસંતની સિતારી

કવિઃ ઉમાશંકર જોશી
ગાયકઃ ભાઈલાલ શાહ

વાગી વસંતની સિતારી
વાગી વાગી વસંતની સિતારી
વને વન વાગી વનેવન વાગી – વાગી..

કુંજે કુંજે નવ પલ્લવના પૂંજે જાગી રોમાંચની ધ્રુજારી;(૨)
પાંદડે પાંદડે ગુપ્ત’કો ગોઠડી(૨) ગાજી ઉઠી અણધારી. – વાગી..

પુષ્પે પુષ્પે મધુપ મલપંતો ગુંજે, મંજરી ઝરે મરમાલી;(૨)
કુહૂ કુહૂ રવે કોકિલા મચી એના(૨) ટહુકે લચે ડાળી ડાળી.

વાગી વસંતની સિતારી
વાગી વાગી વસંતની સિતારી

મારા તો માનવીના ગીત એપ્રિલ 10, 2009

Posted by Mehul Shah in ગીત, પ્રાર્થના, ભાઈલાલ શાહ, વિદ્યાવિહાર ગીતો.
Tags: , , , , , , ,
add a comment

 sky

મારા તો માનવીના ગીત

ગાયકઃ ભાઈલાલભાઈ શાહ

મારા તો માનવીના ગીત રે..(૨)
કાચી તે કાયા કેરી મમતા બાંધ્યાની એની રીત રે.. 

માળા બાંધીને એ તો બેસે જઈ ઝૂલવારે..(૨)
હૈયાના હેતમાં દુનિયાને ભૂલવાને,
ભવભવના વેરી સંગે મનડું માંડે છે મોંઘી  પ્રીત રે.. 
 મારા તો માનવીના ગીત રે..(૨)
કાચી તે કાયા કેરી મમતા બાંધ્યાની એની રીત રે..

મનખાની માયા મારી કેમેયના છૂટશે રે..(૨)
દોરી આ આયખાની ક્યારેયના તૂટશે રે..(૨)
ઘડીપલના ઘટમાં એ તો જુગ જુગ માણ્યાની એની જીત રે..

મારા તો માનવીના ગીત રે..(૨)
કાચી તે કાયા કેરી મમતા બાંધ્યાની એની રીત રે..
મારા તો માનવીના ગીત રે..(૨)

તારી જો હાક સુણી કોઇ ના આવે, તો એકલો જાને રે! એપ્રિલ 9, 2009

Posted by Mehul Shah in ભાઈલાલ શાહ, વિદ્યાવિહાર ગીતો.
Tags: , , , , , ,
12 comments

 

એકલો જાને રે …..

ગાયકઃ ભાઈલાલભાઈ શાહ

Finally I got from Nanaji’s old recordings (Spooler)

તારી જો હાક સુણી કોઇ ના આવે, તો એકલો જાને રે!
એકલો જાને, એકલો જાને, એકલો જાને રે! – તારી જો …

જો સૌનાં મોં સિવાય
ઓરે ઓરે ઓ અભાગી ! સૌનાં મોં સિવાય;
જયારે સૌએ બેસે મોં ફેરવી, સૌએ ડરી જાય;
ત્યારે હૈયું ખોલી, અરે તું મન મૂકી,
તારાં મનનું ગાણું એકલો ગાને રે ! – તારી જો …

જો સૌએ પાછાં જાય,
ઓરે ઓરે ઓ અભાગી ! સૌએ પાછાં જાય;
ત્યારેકાંટા રાને તારે લોહી નીગળતે ચરણે
ભાઇ એકલો ધા ને રે ! – તારી જો …

જયારે દીવો ન ધરે કોઇ,
ઓરે ઓરે ઓ અભાગી ! દીવો ન ધરે કોઇ,
જયારે ઘનઘેરી તુફાની રાતે, બાર વાસે તને જોઇ;
ત્યારે આભની વીજે, તું સળગી જઇને
સૌનો દીવો એકલો થાને રે ! – તારી જો …

રવિન્દ્રનાથ ટાગોર (અનુવાદ-મહાદેવભાઇ દેસાઇ)
Listen this Song in other languages

ચાંદ સમા ચહેરા સમી તસવીર બનાવી દઉં ફેબ્રુવારી 27, 2009

Posted by Mehul Shah in કમલેશ સોનાવાલા.
Tags: , , , , , , , , , , ,
1 comment so far

autumn
ચાંદ સમા ચહેરા સમી તસવીર બનાવી દઉં
ચાંદ સમા ચહેરા સમી તસવીર બનાવી દઉં
ચાલો તમારા પ્રેમની એક લહેર બનાવી દઉં,
એ રીતે તમને અમારા શ્વાસ બનાવી દઉં,(૨)

શબ્દો તણા પુષ્પો ગૂંથી ગજરો બનાવી દઉં,
એ રીતે તમને ગઝલના રાસ બનાવી દઉં..(૨)

સાકી, સૂરા ને શાયરી મહોબ્બત બનાવી દઉં,
એ રીતે યાદો બધી રંગીન બનાવી દઉં(૨)

હથેળી તણી લકીરને કિસ્મત બનાવી દઉં,
એ રીતે જીવવા તણું બહાનું બનાવી દઉં(૨)

અટકી ગઈ જ્યાં જિંદગી, મંજીલ બનાવી દઉં,
એ રીતે ખાલી કબર બિસ્તર બનાવી દઉં,

કલ્પવૃક્ષની છાંવમાં મંદિર બનાવી દઉં,
એ રીતે પથ્થર તને ઈશ્વર બનાવી દઉં,
ચાલો તમારા પ્રેમની એક લહેર બનાવી દઉં(૨)