jump to navigation

મારા તો માનવીના ગીત એપ્રિલ 10, 2009

Posted by Mehul Shah in ગીત, પ્રાર્થના, ભાઈલાલ શાહ, વિદ્યાવિહાર ગીતો.
Tags: , , , , , , ,
add a comment

 sky

મારા તો માનવીના ગીત

ગાયકઃ ભાઈલાલભાઈ શાહ

મારા તો માનવીના ગીત રે..(૨)
કાચી તે કાયા કેરી મમતા બાંધ્યાની એની રીત રે.. 

માળા બાંધીને એ તો બેસે જઈ ઝૂલવારે..(૨)
હૈયાના હેતમાં દુનિયાને ભૂલવાને,
ભવભવના વેરી સંગે મનડું માંડે છે મોંઘી  પ્રીત રે.. 
 મારા તો માનવીના ગીત રે..(૨)
કાચી તે કાયા કેરી મમતા બાંધ્યાની એની રીત રે..

મનખાની માયા મારી કેમેયના છૂટશે રે..(૨)
દોરી આ આયખાની ક્યારેયના તૂટશે રે..(૨)
ઘડીપલના ઘટમાં એ તો જુગ જુગ માણ્યાની એની જીત રે..

મારા તો માનવીના ગીત રે..(૨)
કાચી તે કાયા કેરી મમતા બાંધ્યાની એની રીત રે..
મારા તો માનવીના ગીત રે..(૨)

Advertisements

સાંજ પડીને ઘેર જવા હું સાથ રહ્યો તો ખોળી સપ્ટેમ્બર 8, 2008

Posted by Mehul Shah in ગીત, સ્નેહરશ્મિ.
Tags: , ,
2 comments

 

સાંજ પડીને ઘેર જવા

ગાયકઃ નયન પંચોલી
કવિઃ ઝીણાભાઈ દેસાઈ- ‘ સ્નેહરશ્મિ ‘

આભારઃ સિધ્ધાર્થ ઝીણાભાઈ દેસાઈ

સાંજ પડીને ઘેર જવા હું સાથ રહ્યો તો ખોળી,
દીઠી મેં ત્યાં .. આવતી સામે..(૨) બાળા એક ભોળી,
સાંજ પડીને ઘેર જવા હું…

દીઠા તેના નેણ સુહાગી, સુહાગી નેણ તેના,
ધીમે રહીને પૂછ્યું તેને કોની કહે તું બહેના?!
લજામણીના છોડ સમી તે નમણી નાજુક વેલ,
બોલ સૂણીને આંખ ઢળી તે, આંખ તે નમેલી,
સાંજ પડીને ઘેર જવા હું…

કાળા કાળા કેશ તારા, કેશ તારા કાળા (૨)
દિન સાથે બેસી રજનીએ ગૂંથ્યા ક્યારે બાળા?(૨)
ગૌર ભરેલા વદને તેને ગોરા મુગ્ધ ગાલે,(૨)
નાનકડા બે ગુલાબ ખીલ્યા, ઊષા ખીલી કંઈ ગાલે (૨)
સાંજ પડીને ઘેર જવા હું…

(?) ડગલા ભર્યા આગળ, ડગ ભર્યા મેં ચાર,
ઊંચી નીચી થતી મેં તેને, હૈયે દીઠી માળ (૨)
છાનીમાની શરમાતી ત્યાં આવી રાત કાળી,
હૈયે મારે ઢળી રહી મેં આતુર આંખ ઊઘાડી ..(૨)
સાંજ પડીને ઘેર જવા હું…

વેણી માથે ફૂલ ગૂંથ્યા મેં, ફૂલ ગૂંથ્યા મેં સાત,
કંઠે મારે રહ્યા વીંટાઈ નાજુક તે બે હાથ…!(૨)