jump to navigation

જુઓ, મુદભર વસંત આવે ! ઓક્ટોબર 31, 2009

Posted by Mehul Shah in ગીત, ભાઈલાલ શાહ, સ્નેહરશ્મિ.
Tags: , , , , , , , , , , , , , , , , ,
2 comments

બાજે વન ઉપવનમાં

કવિઃ સ્નેહરશ્મિ
ગાયકઃ ભાઈલાલ શાહ

બાજે વન ઉપવનમાં જલથલમાં
વીણા કોની જગમાં?

દક્ષિણ દિશના આતુર ગાને
કહ્યું શું છાનું કોકિલ કાને ! – (૨)
મંજરીઓ મૃદુ આંખો ખોલી (૨)

જુએ કોની વાટ મગનમાં!
વીણા બાજે જગમાં !     -બાજે૦

કુંજ નિકુંજને કાને કોણે
મૂક્યાં માણેક મોતી કોડે? (૨)
અબીલ ગુલાલને હાસે કોણે (૨)

મલક્યાં મુખડાં કુસુમતણાં?
વીણા બાજે જગમાં !       – બાજે૦

રંગ રાગ પરાગની રમઝટ
જામી આજે જગને પનઘટ,
જુઓ મુદભર વસંત આવે – (૨)

સોહે ફાગ સુહાગ ગગનમાં !
વીણા બાજે જગમાં !         -બાજે૦

મારા સાહ્યબાની પાઘડીએ લાગ્યો-OriginalSong ફેબ્રુવારી 7, 2009

Posted by Mehul Shah in ગીત.
Tags: , , , , ,
add a comment

tarnetar-mela-gujaratમારા સાહ્યબાની પાઘડીએ લાગ્યો

ફિલ્મઃ લંકાની લાડી

સોનેરી રંગ સાંજનો
ફૂલ ગુલાબી પ્રભાત
નીલ રંગનું આભલું
શ્યામલ વરણી રાત

સઘળા રંગો મેં રળ્યા
દિલના રંગની સાથ
તોય પીયુની પાઘડીએ પડી
કોઇ અનોખી ભાત

 

મેં તો રંગ્યો હતો એને દલડાની સંગ
તો યે સાહ્યબાની પાઘડીએ લાગ્યો કોઇ જુદો રંગ
મારા સાહ્યબાની પાઘડીએ લાગ્યો કોઇ જુદો રંગ

મેં તો રંગ્યો હતો એને દલડાની સંગ ….

રંગ તો એવો જાલીમ જાણે જમદૂતે ઝંખેલો હો..
ક્યાંકથી લાવ્યો પાતાળ ભેદી નાગણનો ડંખેલો હો..
એના ઝેરની ઝાપટ લાગી મુને ફુટ્યો અંગેઅંગ
મારા સાહ્યબાની પાઘડીએ લાગ્યો કોઇ જુદો રંગ

મેં તો રંગ્યો હતો એને દલડાની સંગ ….

રંગની ઉપર રંગ ચડે તે મુળનો રંગ ધોળો હો..
સાહ્યબો મારો દિલનો જાણે શિવજી ભોળો ભોળો હો..
હે કોઇ ભીલડીએ એને ભરમાવી એના તપનો કીધો ભંગ
મારા સાહ્યબાની પાઘડીએ લાગ્યો કોઇ જુદો રંગ

અંગઅંગે રંગ છોળે શ્રી જગની… નવેમ્બર 26, 2006

Posted by Mehul Shah in ગીત, વિદ્યાવિહાર ગીતો.
Tags: , ,
add a comment

 

 

અંગઅંગે રંગ છોળે

અંગઅંગે રંગ છોળે શ્રી જગની ભીંજાય, અંધારા ઘેરા વીંધાય,
પ્રાચીને આરે, તેજ ફૂવારે, ચેતનનાં અમૃત છલકાય, (૨)
અંગઅંગે રંગ છોળે શ્રી જગની ભીંજાય, અંધારા ઘેરા વીંધાય,

નિશા ની સીમાઓ ભીષણ તૂટે, કિરણોની ધારાઓ કોટિક ફૂટે,
ઊંચા આ નભનાં મિનારે, રાગોની રેલી રેલાય..(૨)

ફૂલે ફૂલે નાચે, વીણા આતુર સુરભિની બાજે,
દિશ દિશનાં બીડેલા કોણે આ દ્વારો,

આવી ઊઘાડ્યા સૌ જાગી નિહાળો,(૨)
જાગો રે ભૈરવ રાગે, (૨)  મુક્તિનું વ્હાણું આ વાય..(૨)
રંગ છોળે શ્રી જગની ભીંજાય..

અંગઅંગે રંગ છોળે શ્રી જગની ભીંજાય, અંધારા ઘેરા વીંધાય,
પ્રાંચીને આરે, તેજ ફૂવારે, ચેતનનાં અમૃત છલકાય, (૨)