jump to navigation

કોણ આજે રહે બંધ બારણે? જુલાઇ 18, 2009

Posted by Mehul Shah in ગીત, પ્રહલાદ પારેખ, બાળ ગીતો, ભાઈલાલ શાહ, વિદ્યાવિહાર ગીતો.
Tags: , , , , , , , , , , , , , ,
5 comments

farm

કોણ આજે રહે બંધ બારણે?

કવિઃ પ્રહલાદ પારેખ
ગાયકઃ ભાઈલાલ શાહ

વર્ષા ગીત

કોણ આજે રહે બંધ બારણે?
આવ, આવ, જો જગત-પ્રાંગણેઃ (૨)

સાગર હિલ્લોલે વનવન ડોલે,(૨)
વીજ ચડી છે વિરાટ ઝૂલે;
દુરે, સીમે, નવ નવ મોલે(૨)
ધરતીનું દિલ ખોલે. -કોણ.

વાદળ-નાદે ઝરણાં જાગે, (૨)
મત્ત બની ઘર સરિતા ત્યાગે;
જલધારાના સહુ ઝંકારે (૨)
સંજીવન-સૂર વાગે. – કોણ.

 આભ ખુશી જો વિધ વિધ રંગે, (૨)
ધરા ખુશી નવ-ધાન-સુગંધે;
ધરતી-નભના આ ઉત્સવમાં (૨)
આવ, આવ, સહુ સંગે.  – કોણ.

દીધી તેં આ જગાડી તૃષા એપ્રિલ 22, 2009

Posted by Mehul Shah in ગીત, પ્રહલાદ પારેખ, ભાઈલાલ શાહ, વિદ્યાવિહાર ગીતો.
Tags: , , , , , , , , ,
2 comments

summer 

દીધી તેં આ જગાડી તૃષા

ગાયકઃ ભાઈલાલ શાહ
કવિઃ પ્રહલાદ પારેખ

દીધી તેં આ જગાડી તૃષા,
 તવ પ્રચંડ દહને (૨)
ગગન હે! વૈશાખી તવ અગને..
લાગે છે આજે  ઘોર પિપાસા ભુવનને ગહને…દીધી(૨)

જાગે છે આજ એ શુષ્ક કાનને, તપ્ત આ ફૂલ પવને,
શિખરે શિખરે જાગતી એ તો ધૂળ કણે કણે
આજ ધરાની ભીતર જાગે (૨)
બીજ તણા મને… દીધી(૨)

શોષ પડ્યો એ દીનને કંઠે(૨)
રાત તૃષાતુર નહીં એ જંપે,
માનવનું મન આજ ભરાયું, પ્યાર તણા અજંપે,
આજ ચરાચર થાય છે આતુર,
માંગે છે એ મેઘને, દીધી તેં આગ..(૨)

સાવ અચાનક મુશળધારે ડિસેમ્બર 28, 2008

Posted by Mehul Shah in ગીત, તુષાર શુક્લા, સોલી કાપડિયા.
Tags: , , , , , , , , ,
add a comment
rain
સાવ અચાનક મુશળધારે
સાવ અચાનક મુશળધારે, ધોધમાર ને નવ લખધારે,
આ વાદળ વરસે છે કે તું?
ધરાની તરસે વાદળ વરસે, તારી તરસે હું,
મને તું વાદળ કહે તો શું?
ગેબને આરે આવવા રે શ્યામલ શ્યામલ મેઘ ઘેરાયા
કુંતલ કંઠે આવકારના પ્રિતગીત નભમાં લહેરાયા
ઉત્કટ મિલનની પ્યાસ લઇને, આલીંગન અણમોલ દઇને
આ મનભર મેઘ મળે કે તું?
ધરાની તરસે વાદળ વરસે, તારી તરસે હું,
મને તું વાદળ કહે તો શું?

દાવા છોડી લ્હાવા લઈએ, ભીંજાઈને ભીંજાવા દઈએ
આજ કશું ના કોઈને કહીએ, મોસમ છે તો વરસી રહીએ
તરસ તણા ચલ ગીત ભૂલીને, વરસ હવે તું સાવ ખુલીને
હવે કોઈ પાગલ કહે તો શું?
ધરાની તરસે વાદળ વરસે, તારી તરસે હું,
મને તું વાદળ કહે તો શું?

-તુષાર શુક્લા