jump to navigation

તમે રે સુંદરવનનાં સૂડલા રે જુલાઇ 18, 2009

Posted by Mehul Shah in અચલ મહેતા, ગરબા, ગીત.
Tags: , , , , , , , , , , , , , , , , , , , , , ,
2 comments

Sudlo

તમે રે સુંદરવનનાં સૂડલા

અચલ મહેતા, ઋષભ ગ્રુપ

તમે રે સુંદરવનનાં સૂડલા રે, અમે તો તવકંઠનો કિલકાર,
અમે રે વેલી ને તમે બાંધવા મનનાં મળ્યા તારેતાર હો,
એક રે વાડીના દોનો તૂંબડા (૨)

તમે રે મહેરામણ, અમે છીપલાં રે , તમે રે મોતી ને અમે હેલ રે,(૨)
તમે રે માટી ને અમે કોડિયાં, તમે દીવો ને અમે વાટ રે,
જ્યોત રે વિનાનાં દોનો ઝૂરતાં(૨)

તમે રે માટી ને અમે કોડિયાં રે, તમે રે દીવો ને અમે વાટ રે,
સામા રે કાંઠાના અમે પંખીડા રે, ઊડીને આવ્યારે આ પાર હો,
પ્રીત રે પડાળે અમે હીંચતા,

તમે રે સુંદરવનનાં સૂડલા રે, અમે તો તવ કંઠનો કિલકાર,
અમે રે વેલી ને તમે બાંધવા મનનાં મળ્યા તારેતાર હો,
એક રે વાડીના દોનો તૂંબડા (૨)

Advertisements

તારા સ્વજન તને જાય મૂકી તો એપ્રિલ 22, 2009

Posted by Mehul Shah in ગીત, ભાઈલાલ શાહ, વિદ્યાવિહાર ગીતો.
Tags: , , , , , , ,
4 comments

 candle

તારા સ્વજન તને જાય મૂકી તો

ગાયકઃ ભાઈલાલ શાહ

તારા સ્વજન તને જાય મૂકી તો,
તેથી કાંઈ ચિંતા કરી ચાલશે ના,

તારી આશાલતા પડશે તૂટી, ફુલ ફલે એમ ફાલશે ના..
તેથી કાંઈ ચિંતા કરી ચાલશે ના..    તારા.

માર્ગે તિમિર ઘોર ઘેરાશે, એટલે તો તું અટકી જાશે
વારંવારે ચેતવે દીવો, ખેર જો દીવો ચેતશે ના..
તેથી કાંઈ ચિંતા કરી ચાલશે ના..    તારા.

બારણા તને બંધ મળે, એટલે તો તું પાછો વળે(૨)
વારંવારે ઠેલવા પડે, ખેર જો દ્વારો ખૂલશે ના,
તેથી કાંઈ ચિંતા કરી ચાલશે ના..    તારા.

સુણી તારા મુખની વાણી, વીંટળાશે વન-વનનાં પ્રાણી (૨)
તો’ય પોતાના ઘરમાં તારે, પાં’ણના હૈયા ગળશે ના…
તેથી કાંઈ ચિંતા કરી ચાલશે ના..    તારા.

દીવો રે પ્રગટાવો નાથ, કેડીને અજવાળો ! નવેમ્બર 26, 2006

Posted by Mehul Shah in પ્રાર્થના, ભાઈલાલ શાહ, વિદ્યાવિહાર ગીતો.
Tags: , , , , , , ,
3 comments

દીવો રે પ્રગટાવો નાથ

દીવો રે પ્રગટાવો નાથ, કેડીને અજવાળો,
દીવો રે પ્રગટાવો ! (૨)

ઘોર રે અંધારું પરગટ ભર્યું રે ઘટમાં મારે,
નજરું માંડું તો સુઝે પથ ના રે પગથારે;
એક રે પગલીનો આજ પથ તો બતાવો નાથ !
કેડીને અજવાળો !
દીવો રે પ્રગટાવો ! – દીવો૦

સૂનું સૂનું કોડિયું ને સૂની એની આજ વાટ,
પ્રગટાવો કોક હવે જ્યોતિ આજ એની નાથ ! (૨)
ચેતનની ચિનગારી આજ ઘડી તો જલાવો નાથ !
કેડીને અજવાળો !
દીવો રે પ્રગટાવો ! – દીવો૦

-રવીન્દ્ર ઠાકોર