સાંભળો..અમે નમીએ તને ચિરસાથી
સ્વરઃ સેજલ માંકડ-વૈદ્ય
  

અમે નમીએ તને ચિરસાથી, સાથી વિદ્યાવિહાર ..(૨)
સાથી ચિરંતન તુજ સનાતન દિપક તુજ સુકાની,

બીજકળાશી શારદ રેખા, દે અમ પ્રાણ ખિલાવી,
તારે હૈયે જ્ઞાનની સરિતા, ક્ષિતિજો વિશાળ તારી,
અમે નમીએ તને ચિરસાથી, સાથી વિદ્યાવિહાર ..(૨)
કમલ સુકોમલ ઊર્મિ નિર્મળ, પ્રભાસુર્ય સમભારી,
સ્ફૂરી રહી અમ અંતર આજે વાણી સાત્વિક તારી,
અમે નમીએ તને ચિરસાથી, સાથી વિદ્યાવિહાર ..(૨)
સુખે દુઃખે કે જીવન મરણે એક જ ઊર્મિ અમારી,
અમ પર તારી સદાય હોજો છાયા મંગળકારી,
અમે નમીએ તને ચિરસાથી, સાથી વિદ્યાવિહાર ..(૨)
     

સાંભળો..અંગઅંગે રંગ છોળે શ્રી જગની ભીંજાય
સ્વરઃ સેજલ માંકડ-વૈદ્ય

 

અંગઅંગે રંગ છોળે શ્રી જગની ભીંજાય, અંધારા ઘેરા વીંધાય,
પ્રાચીને આરે, તેજ ફૂવારે, ચેતનનાં અમૃત છલકાય, (૨)
અંગઅંગે રંગ છોળે શ્રી જગની ભીંજાય, અંધારા ઘેરા વીંધાય,

નિશા ની સીમાઓ ભીષણ તૂટે, કિરણોની ધારાઓ કોટિક ફૂટે,
ઊંચા આ નભનાં મિનારે, રાગોની રેલી રેલાય..(૨)

ફૂલે ફૂલે નાચે, વીણા આતુર સુરભિની બાજે,
દિશ દિશનાં બીડેલા કોણે આ દ્વારો,

આવી ઊઘાડ્યા સૌ જાગી નિહાળો,(૨)
જાગો રે ભૈરવ રાગે, (૨)  મુક્તિનું વ્હાણું આ વાય..(૨)
રંગ છોળે શ્રી જગની ભીંજાય..

અંગઅંગે રંગ છોળે શ્રી જગની ભીંજાય, અંધારા ઘેરા વીંધાય,
પ્રાંચીને આરે, તેજ ફૂવારે, ચેતનનાં અમૃત છલકાય, (૨)