જુઓ, મુદભર વસંત આવે ! October 31, 2009
Posted by Mehul Shah in ગીત, ભાઈલાલ શાહ, સ્નેહરશ્મિ.Tags: અબીલ, ઉપવન, ગુલાલ, દક્ષિણ, નિકુંજ, પનઘટ, પરાગ, ફાગ, માણેક, મૃદુ, મોતી, રંગ, રમઝટ, વસંત, વાટ, વીણા, સુહાગ, સ્નેહરશ્મિ
1 comment so far
કવિઃ સ્નેહરશ્મિ
ગાયકઃ ભાઈલાલ શાહ
બાજે વન ઉપવનમાં જલથલમાં
વીણા કોની જગમાં?
દક્ષિણ દિશના આતુર ગાને
કહ્યું શું છાનું કોકિલ કાને ! – (૨)
મંજરીઓ મૃદુ આંખો ખોલી (૨)
જુએ કોની વાટ મગનમાં!
વીણા બાજે જગમાં ! -બાજે૦
કુંજ નિકુંજને કાને કોણે
મૂક્યાં માણેક મોતી કોડે? (૨)
અબીલ ગુલાલને હાસે કોણે (૨)
મલક્યાં મુખડાં કુસુમતણાં?
વીણા બાજે જગમાં ! – બાજે૦
રંગ રાગ પરાગની રમઝટ
જામી આજે જગને પનઘટ,
જુઓ મુદભર વસંત આવે – (૨)
સોહે ફાગ સુહાગ ગગનમાં !
વીણા બાજે જગમાં ! -બાજે૦
માનવીનાં હૈયાને નંદવામાં વાર શી? October 25, 2009
Posted by Mehul Shah in ઉમાશંકર જોશી, ગીત, ભાઈલાલ શાહ, વિદ્યાવિહાર ગીતો.Tags: ઉમાશંકર જોશી, બોલડે, ભાઈલાલ શાહ, માનવી, સ્મિત, હૈયાને
1 comment so far
કવિઃ ઉમાશંકર જોશી
ગાયકઃ ભાઈલાલ શાહ
માનવીનાં હૈયાને નંદવામાં વાર શી ? (૨)
માનવીના હૈયાને…
અધ બોલ્યા બોલડે,
થોડે અબોલડે, (૨)
પોચા શા હૈયાને પીંજવામાં વાર શી? (૨) – માનવી૦
માનવીના હૈયાને….
સ્મિતની જ્યાં વીજળી,
જરી શી ફરી વળી, (૨)
એના એ હૈયાને રંજવામાં વાર શી?
એવા તે હૈયાને નંદવામાં વાર શી?- માનવી૦
માનવીના હૈયાને …
એવું રે તપી ધરતી October 25, 2009
Posted by Mehul Shah in ગીત, પ્રહલાદ પારેખ, ભાઈલાલ શાહ, વિદ્યાવિહાર ગીતો.Tags: તપ, ધરતી, પારવતી, પ્રહલાદ પારેખ, ભાઈલાલ શાહ, મેહુલો, cn prarthnamandir, sheth cn vidhyalaya
1 comment so far
કવિઃ પ્રહલાદ પારેખ
ગાયકઃ ભાઈલાલ શાહ
એવું રે તપી ધરતી, એવું રે તપી,
જેવાં તપ રે તપ્યાં’તાં એક દિન પારવતી સતી
અંગ રે સુકાય, એનાં રંગ રે સુકાય,
કાયાનાં અમરત એનાં ઊડી ચાલ્યાં જાય,
તોયે ન આવ્યો હજુયે મેહુલો જતિ…. એવું રે…
વન રે વિમાસે એનાં જન રે વિમાસે,
પંખીડાં જોતાં એનાં પશુઓ આકાશે;
જટાળો એ જોગી ક્યાં યે કળાતો નથી… એવું રે…
કહોને તમે સૌ તારા ! દૂરે છો દેખનારા,
કહોને ડુંગરનાં શિખરો ! આકાશે પહોંચનારાં;
આંખોની વીજ એની ઝબૂકી કહીં ?…. એવું રે…
કહોને સાગરનાં પાણી, તમને છે સંભળાણી,
ઘેરી ગંભીર એની આવતી ક્યાં યે વાણી ?
એની રે કમાન દીઠી તણાઈ કહીં ?… એવું રે….
આવોને મેહુલિયા ! આવો, ધરતીનાં તપ છોડાવો,
રૂપે ને રંગે નવાં તપસીને એ સુહાવો;
અમરતથી હૈયું એનું દિયોને ભરી !…. એવું રે….
સી.એન. શ્લોક – 3 October 25, 2009
Posted by Mehul Shah in ભાઈલાલ શાહ, વિદ્યાવિહાર ગીતો, શ્લોક.Tags: ઋષભ, પાર્શ્વનાથ, ભાઈલાલ શાહ, મહાવીર, મુનિવ્રત, શ્લોક, સી.એન., સી.એન. શ્લોક, સુપાર્શ્વ
1 comment so far
ગાયકઃ ભાઈલાલ શાહ
ઋષભ, અજીત, સંભવ, અભિનંદન, સુમતિ, પદ્મપ્રભુ, સુપાર્શ્વ, ચંદ્રપ્રભ, પુષ્પદંટ, શીતલ, શ્રેયાંશ, વાસુપૂજ્ય, વિમલ, અનંત, ધર્મ, શાંતિ, કુંથુ, અરહ, મલ્લિ, મુનિવ્રત, નમિ, નેમિ, પાર્શ્વનાથ અને મહાવીર.
